36 ساعة

لبس قدك يواتيك وعاشر القانع يعافيك

يا الموالمين فسرارهم يا المناقشين فحرارهم نوضو في السروية للطيور تبانو و شمو هوا الأرض على الحرث تلمو. شي يهز الفاس يحفر الساس و شي يقلب الأرض تعطيه خير الآجر و الفرض و شي يشتت الزريعة تفيق التراب و تفرح الغراب واخا هو من بفعايلو يتعاب. يقولو عليه مكرو ماهو محبوب ماهو مكروه و لونو ما هو ابيض ما هو مغموق و لسانو ما هو مدعوق و ما هو لسان الملعوق disney plus auf smart tv downloaden.

يا المسارين فسريرهم و المناقشين بينهم و الصابرين على دينهم نوضو ف الصبحية راه البنت سرها فعيون الصباح بالنية و الراجل شانو ففاس الصباح يطلب الرزق فالسروية و الوليد فياقو يفرح العالمين و ناس حبيبتنا العربية و البنت تجري الصباح غادية للسكويلة تقلب على التروية هي و خوها فالمدرسة يبينو للوالدين احسن تربية. يعولو على صويت فريريج يصبر ما يهيج ويغني العيطة الصبحية و خير الاهازيج. فروج على الشميسة معول يرجع يسال فحال الدنيا وملي تهز رحيلها و تمشي تركد ورا القمرة يجمع حبابو و يتدفاو من السمرة.

ناس الصبحية يمشيو بالنية. الراجل يغسل كفوفو وجوفوا بميها تسخن العضيمات والوليد يتبع باه فالدنيا قبل الممات و يدير مثلو قبل لا الوقت يكون فات sims 4 alle erweiterungenen kostenlos. والبنية تخرج من سريرها بالنية. مازالا عزرية وحدانية تسخن سريرها بالنية و تعطي لمولانا العالي دعوة تفرج عليها وحدة السروية. أما الميمة الحنينة اللي تداوي جراحها بورق الحنينة وتطيب لوليداتها الدشيشة و الكرنينة كتشوف فسما الصبحية و تقابل مع الكانون توجد مسيمنات بالزبدة البلدية تشحر أتاي نعناعو شاع اصلو و باعو و حبوبو خير يطلع من ثوبو و ريحتو تداوي الشرير من ذنوبو. تمشي البنية تغسل الباين و اللي ليها سرة سرية و تشمر على ذراعها تبين حداقتها و تقدم شطارتها و تقلب الكويسات و تذوب زبيدة و سمينات و تذهن مسيمنات musik kostenlos herunterladen auf pc. يتلامو الحباب على مايدة ورا الباب تهز الميمة المسيمنات والخبيزات كانو يتغازلو بين عويدات الفران و تقاسمو الصبر وسط نار تعطي زين قمح منو عبرة و قنطار. والعسيلة تعطر المجمع بقطرات من حلاوتها كتدمع وبلونها من بعيد كتلمع. عسيلة كتكوي القرجوطة الى لقات فيها الخواض ومن العسيلة خير النحل زاد و فاض. ياكلو على قد كتافهم و ما يجريو ورا شر ولا محرم بيه يتبعهم عتابهم. عارفين بحق الناس اللي تمشي على قدها و ما تتقب بالطمع رقدتها حيت دايرين بكلام الجدود اللي وصاوهم على القد و القدود و ما قالو لهم يفوتو الحدود ايوا راه “على قدر فراشك مد رجلك” و ما تكون طماع ما انت واكل ما انت شبعان و لمتك ديما فيها المجروح و الغضبان playstation 4 designs herunterladen. انت سيدي تاج الراس وطبايعك تسجل وتقرا ف اللواح حيت ماشي على قدك و ما فايتش جهدك.

با اللي خيرهم فايض و زرعهم نايض يا اللي يصبحو يداويو الروح بالوضو و الفرايض ديرو قدامكم زبيدة من بقيرات البلاد تعطينا الفايدة و تنقص علينا السموم اللي فدمنا فايضة. نورو مجمعكم بزيت من الزيتون تبهر العيون تداوي العظيمات تروي اللحيمات و تصفي الروح من شر الكليمات. تغسل الكبيدة و القليب و تقوي العصب و العظيم. زيت شانها يدندنو بيه الصغار و الشيوخ و طراوتها من اللسان تخرج سر العيوط herunterladen. زيت تدير اللمة مع عسيلة حارة فجوفها و حلوة بذوقها و على مسيمنة يتغناو و يتلمو فتدويزة بكاس أتاي.

ارضنا ارض جدودنا تروي جوفنا تغدي حروفنا وتبت سفونا. روح من خير الأرض تروات و تسقات من قميحة تشهات و تطعمات و من نحيلات تنغمات بزين العسيلات. من السروية والحرث فيد واليدي. ميمة تحرث فوق المجمر و الكانون و تفتل كسكسو و توجد السمن المدفون gratis downloaden fortnite. تشمر بالشمار وتغطي زين السوالف بالشد جابتو عبار و تحير اللسان بين الحلو و الحار.

اش منك يا شيار و بغرير بعسلو و اش منك يا كسكسو و طاجين بلحمو و كيفاش تصبر قدام الشوا معطر بعطور الأرض و من الفاخر مبخر على الصهد عليه الحباب يتلمو و يبدا كل الحنين يشكي همو.
الواليد يتقابل مع صفرة الشموس و يهز الفاس مكان الموس و ينقي الأرض من الخبيث و المسوس يضرب بالفاس قاع التراب و يسكم اللي فيها الخير صاب.

يفلح زينة البلاد اللي تجيب الخير بالتراب و تخلي العز فالارض ما يتعاب و تفتح للمة خير الباب green valley spiel kostenlosen. الراجل فاس هاز الفاس و ما ناسي اصلو و لا الساس و على شرفو عساس. يفلح و يقلب الأرض تطلع ليه ريحة الدوا البلدي و الأصل العبدي و الخير اللي يجيب ما يدي. بالفاس يضبر يجرح و يداوي الأرض و هي صبارة ما تشكي ضر و لا مرض. تأخذ العصا باش تنور جذورها وتصبر على الضرة باش تعطر أصولها. يزيدها الفاس دقان الحنة و هو ما يتهنى حتى تولد ليه زينة الكرادي و خيرة الأراضي الغلة اللي عليها قلبو راضي bilder sprüche whatsapp kostenlos herunterladen.

هذا حال اهل التراب اللي خيرهم ما يتعاب. عليه يتلم المجمع والعين عليه تدمع و فحرارتو تزهو العوافي اللي تعطينا شوا و المحمر بيه القلوب تتعمر و الروح الخير تتفكر. بالعواد والفاخر يزهى المجمر وتطلع القتيلة ترجع الخضر بالتكرميلة زين الحمر بيه الدجاج يولي محمر واللحم منو فاد معمر واش منك يا كرعين ايلا تشواو على زهو العوافي و فدواز بحميمصات يرجعو العليل بالخير مشافي.

والعشية ملي يسالي الحرث ودروس السكويلة يدوز الوليد يشعل الفتيلة باش عليها تشعل عافية خير القبيلة تنور المجمع بعوافيها و تبين الخير االي فيها Download flash player 8 for free. الواليد يديرها كنة يسهر فيها مع وليداتو و البنية تهز مع ميمتها خير الأرض يطيبوه و من يدين الحنينة شهيوة يذوقها مول الدار ايوا وتاتو و الواليدة بلمة الفميلة مشى عليها الغم و نسات يام الحمالة و هي من وجعها كتزحم. تحمد ربي بلمة الوليدات و عيون تاج راسها اللي معولة عليها فقوتها و ساسها. و البنيتة من الذياب ما هي تخاف حيت تشوف رجال فكتافها و لولد الخير فاتحة فالها.

هذا حال الحباب فزين البلاد اللي كيرضاو ببراكة الخبيز و اللحيمة و ما يبكيوا على الكتوف و الشحيمة adobe reader kostenlos herunterladen chip. حالهم حال الضعيف القانع ماشي بحال الملهوف اللي على خير غيرو تظل جفنو دامع. هذا حال المغذين من خير الأرض اللي يرضاو بما جاد بيه الحرث و ما ينساو ما قالوا ناس زمان ملي وصاونا على الحرث باش نعيشو و يغناو بالراجل اللي يهز الفاس من صبحو لعشيتو.

ناس قانعين بالموجود وما جاد بيه مولانا من خير و جود و على رزقهم يتحركوا و بيه يتباركو حيت عارفين بلي “الحركة فيها البركة” و بلي اللي بغا يعيش و يروي عطشو و يحافظ على عشو خاصو يحرث الأرض و يصبر للرعد و الصهد. حيت السما ما تمطر ذهب و لا فضة و تقول ليك خدم و التسير ليك الله يعطيك الرضى.

          أسماء أطرسى

eljadida36.com-amxa

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
error: حقوق الطبع و النشر محمية من طرف الجديدة 36
إغلاق

أنت تستخدم إضافة Adblock

يرجى دعمنا عن طريق تعطيل إضافة Adblock